-
जटाटवीगलज्जलप्रवाहपावितस्थले गलेऽवलम्ब्य लम्बितां भुजङ्गतुङ्गमालिकाम्। डमड्डमड्डमड्डमन्निनादवड्डमर्वयं चकार चण्डताण्डवं तनोतु नः शिवः शिवम्॥१॥
Jatātavī-galaj-jala-pravāha-pāvita-sthale gale-avalambya lambitām bhujanga-tunga-mālikām | Damad-damad-damad-daman-ninādavad-damarvayam chakāra chanda-tāndavam tanotu nah shivah shivam ||1||
His neck made holy by the streams pouring from the forest of his matted hair, a tall garland of serpents hanging from it, his damaru sounding "damad damad" — Shiva danced the fierce tandava. May that Shiva grant us auspiciousness.
-
जटाकटाहसम्भ्रमभ्रमन्निलिम्पनिर्झरीविलोलवीचिवल्लरीविराजमानमूर्द्धनि। धगद्धगद्धगज्ज्वलल्ललाटपट्टपावके किशोरचन्द्रशेखरे रतिः प्रतिक्षणं मम॥२॥
Jatā-katāha-sambhrama-bhraman-nilimpa-nirjharī-vilola-vīchi-vallarī-virājamāna-mūrdhani | Dhagad-dhagad-dhagaj-jvalal-lalāta-patta-pāvake kishora-chandra-shekhare ratih pratikshanam mama ||2||
His head gleams with the restless waves of the celestial river whirling in the cauldron of his locks; fire blazes "dhagad dhagad" on his forehead; the young crescent moon is his crest. May my love rest in him at every moment.
-
धराधरेन्द्रनन्दिनीविलासबन्धुबन्धुरस्फुरद्दिगन्तसन्ततिप्रमोदमानमानसे। कृपाकटाक्षधोरणीनिरुद्धदुर्धरापदि क्वचिद्दिगम्बरे मनो विनोदमेतु वस्तुनि॥३॥
Dharādharendra-nandinī-vilāsa-bandhu-bandhura-sphurad-diganta-santati-pramodamāna-mānase | Kripā-katāksha-dhoranī-niruddha-durdharāpadi kvachid-digambare mano vinodam etu vastuni ||3||
Companion in the play of Parvati, daughter of the mountain king; his mind rejoicing in the radiant beings of every direction; the flow of his merciful glance halting even the gravest calamity — may my mind find its delight in that sky-clad Reality.
-
जटाभुजङ्गपिङ्गलस्फुरत्फणामणिप्रभाकदम्बकुङ्कुमद्रवप्रलिप्तदिग्वधूमुखे। मदान्धसिन्धुरस्फुरत्त्वगुत्तरीयमेदुरे मनो विनोदमद्भुतं बिभर्तु भूतभर्तरि॥४॥
Jatā-bhujanga-pingala-sphurat-phanā-mani-prabhā-kadamba-kunkuma-drava-pralipta-dig-vadhū-mukhe | Madāndha-sindhura-sphurat-tvag-uttarīya-medure mano vinodam adbhutam bibhartu bhūta-bhartari ||4||
The tawny glow of the jewels on the hoods of the serpents in his hair paints the faces of the directions as if with saffron; he is wrapped in the gleaming hide of a frenzied elephant as his upper cloth. In that lord of all beings may my mind find wondrous joy.
-
सहस्रलोचनप्रभृत्यशेषलेखशेखरप्रसूनधूलिधोरणीविधूसराङ्घ्रिपीठभूः। भुजङ्गराजमालया निबद्धजाटजूटकः श्रियै चिराय जायतां चकोरबन्धुशेखरः॥५॥
Sahasra-lochana-prabhrity-ashesha-lekha-shekhara-prasūna-dhūli-dhoranī-vidhūsarānghri-pītha-bhūh | Bhujanga-rāja-mālayā nibaddha-jāta-jūtakah shriyai chirāya jāyatām chakora-bandhu-shekharah ||5||
His footstool is grey with pollen falling from the flowers on the crowns of Indra and all the gods who bow to him; his matted hair is bound with the king of serpents; the moon is his crest. May he bring us lasting prosperity.
-
ललाटचत्वरज्वलद्धनञ्जयस्फुलिङ्गभानिपीतपञ्चसायकं नमन्निलिम्पनायकम्। सुधामयूखलेखया विराजमानशेखरं महाकपालि सम्पदे शिरो जटालमस्तु नः॥६॥
Lalāta-chatvara-jvalad-dhananjaya-sphulinga-bhā-nipīta-pancha-sāyakam naman-nilimpa-nāyakam | Sudhā-mayūkha-lekhayā virājamāna-shekharam mahā-kapāli sampade shiro jatālam astu nah ||6||
The sparks of fire blazing on his broad forehead consumed Kama, the god of five arrows; the king of the gods bows before him; the sliver of the nectar-rayed moon adorns his crest. May that matted-haired head of the great skull-bearer bring us fulfilment.
-
करालभालपट्टिकाधगद्धगद्धगज्ज्वलद्धनञ्जयाहुतीकृतप्रचण्डपञ्चसायके। धराधरेन्द्रनन्दिनीकुचाग्रचित्रपत्रकप्रकल्पनैकशिल्पिनि त्रिलोचने रतिर्मम॥७॥
Karāla-bhāla-pattikā-dhagad-dhagad-dhagaj-jvalad-dhananjayāhutī-krita-prachanda-pancha-sāyake | Dharādharendra-nandinī-kuchāgra-chitra-patraka-prakalpanaika-shilpini trilochane ratir mama ||7||
He offered the mighty god of love as an oblation into the fire roaring "dhagad dhagad" on his fearsome brow, yet he is also the one artist who draws ornamental designs for Parvati, daughter of the mountain king. My love is for that three-eyed lord.
-
नवीनमेघमण्डलीनिरुद्धदुर्धरस्फुरत्कुहूनिशीथिनीतमःप्रबन्धबद्धकन्धरः। निलिम्पनिर्झरीधरस्तनोतु कृत्तिसिन्धुरः कलानिधानबन्धुरः श्रियं जगद्धुरन्धरः॥८॥
Navīna-megha-mandalī-niruddha-durdhara-sphurat-kuhū-nishīthinī-tamah-prabandha-baddha-kandharah | Nilimpa-nirjharī-dharas tanotu kritti-sindhurah kalā-nidhāna-bandhurah shriyam jagad-dhurandharah ||8||
His throat is dark as the midnight of a new-moon night shut in by fresh rain-clouds; he bears the celestial river, wears the elephant's hide, is lovely with the moon and carries the burden of the world. May he grant us prosperity.
-
प्रफुल्लनीलपङ्कजप्रपञ्चकालिमप्रभावलम्बिकण्ठकन्दलीरुचिप्रबद्धकन्धरम्। स्मरच्छिदं पुरच्छिदं भवच्छिदं मखच्छिदं गजच्छिदान्धकच्छिदं तमन्तकच्छिदं भजे॥९॥
Praphulla-nīla-pankaja-prapancha-kālima-prabhā-avalambi-kantha-kandalī-ruchi-prabaddha-kandharam | Smarachchhidam purachchhidam bhavachchhidam makhachchhidam gajachchhidāndhakachchhidam tam antakachchhidam bhaje ||9||
His neck glows with the deep-blue lustre of full-blown blue lotuses. He cut down Kama, the triple city of Tripura, the bondage of worldly life, Daksha's sacrifice, the elephant demon, the demon Andhaka and even Death. Him I worship.
-
अखर्वसर्वमङ्गलाकलाकदम्बमञ्जरीरसप्रवाहमाधुरीविजृम्भणामधुव्रतम्। स्मरान्तकं पुरान्तकं भवान्तकं मखान्तकं गजान्तकान्धकान्तकं तमन्तकान्तकं भजे॥१०॥
Akharva-sarva-mangalā-kalā-kadamba-manjarī-rasa-pravāha-mādhurī-vijrimbhanā-madhuvratam | Smarāntakam purāntakam bhavāntakam makhāntakam gajāntakāndhakāntakam tam antakāntakam bhaje ||10||
He is the bee that savours the sweet flowing nectar of the countless blossoming arts of Parvati, the all-auspicious one; he is the ender of Kama, Tripura, worldly existence, the sacrifice, the elephant demon, Andhaka and Death itself. Him I worship.
-
जयत्वदभ्रविभ्रमभ्रमद्भुजङ्गमश्वसद्विनिर्गमत्क्रमस्फुरत्करालभालहव्यवाट्। धिमिद्धिमिद्धिमिद्ध्वनन्मृदङ्गतुङ्गमङ्गलध्वनिक्रमप्रवर्तितप्रचण्डताण्डवः शिवः॥११॥
Jayatv-adabhra-vibhrama-bhramad-bhujangama-shvasad-vinirgamat-krama-sphurat-karāla-bhāla-havyavāt | Dhimid-dhimid-dhimid-dhvanan-mridanga-tunga-mangala-dhvani-krama-pravartita-prachanda-tāndavah shivah ||11||
Victory to Shiva, the fire on whose fearsome forehead flares with the hissing breath of serpents whirling wildly through the sky, and whose fierce tandava keeps time with the auspicious, resounding beat of the mridanga — "dhimid dhimid dhimid".
-
दृषद्विचित्रतल्पयोर्भुजङ्गमौक्तिकस्रजोर्गरिष्ठरत्नलोष्ठयोः सुहृद्विपक्षपक्षयोः। तृणारविन्दचक्षुषोः प्रजामहीमहेन्द्रयोः समप्रवृत्तिकः कदा सदाशिवं भजाम्यहम्॥१२॥
Drishad-vichitra-talpayor bhujanga-mauktika-srajor garishtha-ratna-loshthayoh suhrid-vipaksha-pakshayoh | Trināravinda-chakshushoh prajā-mahī-mahendrayoh sama-pravrittikah kadā sadāshivam bhajāmy aham ||12||
A stone and a fine bed, a serpent and a pearl necklace, a priceless gem and a clod of earth, friend and foe, a blade of grass and a lotus-eyed beauty, common folk and the emperor of the earth — when will I look on all of these alike and worship Sadashiva?
-
कदा निलिम्पनिर्झरीनिकुञ्जकोटरे वसन् विमुक्तदुर्मतिः सदा शिरःस्थमञ्जलिं वहन्। विलोललोललोचनो ललामभाललग्नकः शिवेति मन्त्रमुच्चरन् कदा सुखी भवाम्यहम्॥१३॥
Kadā nilimpa-nirjharī-nikunja-kotare vasan vimukta-durmatih sadā shirahstham anjalim vahan | Vilola-lola-lochano lalāma-bhāla-lagnakah shiveti mantram uchcharan kadā sukhī bhavāmy aham ||13||
When shall I be happy — living in a hollow of some grove beside the celestial Ganga, freed of all ill thoughts, hands ever joined above my head, eyes brimming and fixed on the lord of the beautiful brow, chanting the mantra "Shiva"?
-
निलिम्पनाथनागरीकदम्बमौलमल्लिकानिगुम्फनिर्भरक्षरन्मधूष्णिकामनोहरः। तनोतु नो मनोमुदं विनोदिनीमहर्निशं परश्रियः परं पदं तदङ्गजत्विषां चयः॥१४॥
Nilimpa-nātha-nāgarī-kadamba-maula-mallikā-nigumpha-nirbhara-ksharan-madhūshnikā-manoharah | Tanotu no mano-mudam vinodinīm aharnisham para-shriyah param padam tad-anga-ja-tvishām chayah ||14||
Made enchanting by the sweet pollen dripping from the jasmine garlands woven into the hair of celestial maidens, the supreme seat of the highest splendour — may the radiance streaming from Shiva's limbs fill our minds with joy day and night.
-
प्रचण्डवाडवानलप्रभाशुभप्रचारणी महाष्टसिद्धिकामिनीजनावहूतजल्पना। विमुक्तवामलोचनाविवाहकालिकध्वनिः शिवेति मन्त्रभूषणा जगज्जयाय जायताम्॥१५॥
Prachanda-vādavānala-prabhā-shubha-prachāranī mahāshta-siddhi-kāminī-janāvahūta-jalpanā | Vimukta-vāma-lochanā-vivāha-kālika-dhvanih shiveti mantra-bhūshanā jagaj-jayāya jāyatām ||15||
The auspicious sound raised at the wedding of the lovely-eyed Parvati — spreading blessing like the blaze of the fierce fire beneath the ocean, mingled with the songs of the eight great siddhis in the form of maidens, and adorned with the mantra "Shiva" — may it bring victory and welfare to the world.
-
इमं हि नित्यमेवमुक्तमुत्तमोत्तमं स्तवं पठन्स्मरन्ब्रुवन्नरो विशुद्धिमेति सन्ततम्। हरे गुरौ सुभक्तिमाशु याति नान्यथा गतिं विमोहनं हि देहिनां सुशङ्करस्य चिन्तनम्॥१६॥
Imam hi nityam evam uktam uttamottamam stavam pathan smaran bruvan naro vishuddhim eti santatam | Hare gurau subhaktim āshu yāti nānyathā gatim vimohanam hi dehinām sushankarasya chintanam ||16||
(Phalashruti) Whoever daily reads, remembers or recites this finest of hymns, just as it is given here, is purified for ever and soon gains firm devotion to Hara, the true Guru — there is no other way; for meditation on the gracious Shankara dispels the delusion of embodied beings.
-
पूजावसानसमये दशवक्त्रगीतं यः शम्भुपूजनपरं पठति प्रदोषे। तस्य स्थिरां रथगजेन्द्रतुरङ्गयुक्तां लक्ष्मीं सदैव सुमुखीं प्रददाति शम्भुः॥१७॥
Pūjāvasāna-samaye dashavaktra-gītam yah shambhu-pūjana-param pathati pradoshe | Tasya sthirām ratha-gajendra-turanga-yuktām lakshmīm sadaiva sumukhīm pradadāti shambhuh ||17||
(Phalashruti) Whoever, at the close of worship in the Pradosha hour, recites this hymn devoted to Shambhu's worship and sung by the ten-headed Ravana, is granted by Shambhu a steady, ever-gracious fortune, rich in chariots, fine elephants and horses.