-
श्रीगुरु चरन सरोज रज, निज मनु मुकुरु सुधारि। बरनउँ रघुबर बिमल जसु, जो दायकु फल चारि॥
Shrīguru charana saroja raja, nija manu mukuru sudhāri | Baranau Raghubara bimala jasu, jo dāyaku phala chāri ||
Having cleansed the mirror of my mind with the dust of my Guru's lotus feet, I sing the pure glory of Lord Rama, bestower of the four fruits of life.
-
बुद्धिहीन तनु जानिके, सुमिरौं पवन-कुमार। बल बुधि बिद्या देहु मोहिं, हरहु कलेस बिकार॥
Buddhihīna tanu jānike, sumirau Pavana-kumāra | Bala budhi bidyā dehu mohi, harahu kalesa bikāra ||
Knowing myself to be lacking in wisdom, I remember the Son of the Wind; grant me strength, intellect, and knowledge, and take away my afflictions and impurities.
-
जय हनुमान ज्ञान गुन सागर। जय कपीस तिहुँ लोक उजागर॥
Jai Hanumāna gyāna guna sāgara | Jai Kapīsa tihu loka ujāgara ||
Victory to Hanuman, ocean of wisdom and virtue; victory to the lord of the monkeys, who illumines the three worlds.
-
राम दूत अतुलित बल धामा। अंजनि-पुत्र पवनसुत नामा॥
Rāma dūta atulita bala dhāmā | Anjani-putra Pavanasuta nāmā ||
You are Rama's messenger, abode of immeasurable strength, known as the son of Anjana and the son of the wind (Pavanasuta).
-
महाबीर बिक्रम बजरंगी। कुमति निवार सुमति के संगी॥
Mahābīra bikrama Bajarangī | Kumati nivāra sumati ke sangī ||
Great hero, mighty one with limbs as strong as a thunderbolt, you drive away ill thoughts and stand beside those of good understanding.
-
कंचन बरन बिराज सुबेसा। कानन कुंडल कुंचित केसा॥
Kanchana barana birāja subesā | Kānana kundala kunchita kesā ||
Golden in complexion and handsomely dressed, you shine with earrings in your ears and curly hair.
-
हाथ बज्र औ ध्वजा बिराजै। काँधे मूँज जनेऊ साजै॥
Hātha bajra au dhvajā birājai | Kāndhe mūnja janeū sājai ||
A thunderbolt-mace and a banner adorn your hands, and a sacred thread of munja grass rests on your shoulder.
-
संकर सुवन केसरीनंदन। तेज प्रताप महा जग बंदन॥
Sankara suvana Kesarīnandana | Teja pratāpa mahā jaga bandana ||
Born of Shiva's essence and son of Kesari, your radiance and glory are honoured by the whole world.
-
बिद्यावान गुनी अति चातुर। राम काज करिबे को आतुर॥
Bidyāvāna gunī ati chātura | Rāma kāja karibe ko ātura ||
Learned, virtuous, and exceedingly wise, you are ever eager to carry out Rama's work.
-
प्रभु चरित्र सुनिबे को रसिया। राम लखन सीता मन बसिया॥
Prabhu charitra sunibe ko rasiyā | Rāma Lakhana Sītā mana basiyā ||
You delight in hearing the story of the Lord, and Rama, Lakshmana, and Sita dwell in your heart.
-
सूक्ष्म रूप धरि सियहिं दिखावा। बिकट रूप धरि लंक जरावा॥
Sūkshma rūpa dhari Siyahi dikhāvā | Bikata rūpa dhari Lanka jarāvā ||
Taking a tiny form you appeared before Sita, and taking a fearsome form you set Lanka ablaze.
-
भीम रूप धरि असुर सँहारे। रामचंद्र के काज सँवारे॥
Bhīma rūpa dhari asura sanhāre | Rāmachandra ke kāja sanvāre ||
Assuming a mighty form you destroyed the demons and brought Ramachandra's tasks to completion.
-
लाय सजीवन लखन जियाये। श्रीरघुबीर हरषि उर लाये॥
Lāya sajīvana Lakhana jiyāye | Shrī Raghubīra harashi ura lāye ||
You brought the Sanjivani herb and revived Lakshmana, and Rama joyfully embraced you.
-
रघुपति कीन्ही बहुत बड़ाई। तुम मम प्रिय भरतहि सम भाई॥
Raghupati kīnhī bahuta badāī | Tuma mama priya Bharatahi sama bhāī ||
Rama praised you greatly, saying, "You are as dear to me as my brother Bharata."
-
सहस बदन तुम्हरो जस गावैं। अस कहि श्रीपति कंठ लगावैं॥
Sahasa badana tumharo jasa gāvai | Asa kahi Shrīpati kantha lagāvai ||
Saying "May the thousand-mouthed serpent sing your glory," the Lord of Lakshmi drew you into an embrace.
-
सनकादिक ब्रह्मादि मुनीसा। नारद सारद सहित अहीसा॥
Sanakādika Brahmādi munīsā | Nārada Sārada sahita Ahīsā ||
Sanaka and the sages, Brahma and the gods, the great munis, Narada, Saraswati, and the king of serpents (all sing your praise).
-
जम कुबेर दिगपाल जहाँ ते। कबि कोबिद कहि सके कहाँ ते॥
Jama Kubera digapāla jahā te | Kabi kobida kahi sake kahā te ||
Even Yama, Kubera, and the guardians of the directions cannot fully tell your glory — how then could poets and scholars?
-
तुम उपकार सुग्रीवहिं कीन्हा। राम मिलाय राज पद दीन्हा॥
Tuma upakāra Sugrīvahi kīnhā | Rāma milāya rāja pada dīnhā ||
You did Sugriva a great service, uniting him with Rama and restoring him to his throne.
-
तुम्हरो मंत्र बिभीषन माना। लंकेस्वर भए सब जग जाना॥
Tumharo mantra Bibhīshana mānā | Lankesvara bhae saba jaga jānā ||
Vibhishana followed your counsel and became the king of Lanka, as the whole world knows.
-
जुग सहस्र जोजन पर भानू। लील्यो ताहि मधुर फल जानू॥
Juga sahasra jojana para bhānū | Līlyo tāhi madhura phala jānū ||
The sun, thousands of yojanas away, you swallowed as a child, taking it for a sweet fruit.
-
प्रभु मुद्रिका मेलि मुख माहीं। जलधि लाँघि गये अचरज नाहीं॥
Prabhu mudrikā meli mukha māhī | Jaladhi lānghi gaye acharaja nāhī ||
Holding the Lord's ring in your mouth, you leapt across the ocean — no wonder at all for one like you.
-
दुर्गम काज जगत के जेते। सुगम अनुग्रह तुम्हरे तेते॥
Durgama kāja jagata ke jete | Sugama anugraha tumhare tete ||
Every difficult task in the world becomes easy by your grace.
-
राम दुआरे तुम रखवारे। होत न आज्ञा बिनु पैसारे॥
Rāma duāre tuma rakhavāre | Hota na āgyā binu paisāre ||
You are the guardian of Rama's door; no one may enter without your leave.
-
सब सुख लहै तुम्हारी सरना। तुम रच्छक काहू को डर ना॥
Saba sukha lahai tumhārī saranā | Tuma rachchhaka kāhū ko dara nā ||
Whoever takes refuge in you finds every joy; with you as protector, there is nothing to fear.
-
आपन तेज सम्हारो आपै। तीनों लोक हाँक तें काँपै॥
Āpana teja samhāro āpai | Tīnō loka hānka tē kāmpai ||
Only you can contain your own might; at your roar all three worlds tremble.
-
भूत पिसाच निकट नहिं आवै। महाबीर जब नाम सुनावै॥
Bhūta pisācha nikata nahi āvai | Mahābīra jaba nāma sunāvai ||
Where the name of the Great Hero is spoken, ghosts and evil spirits do not come near.
-
नासै रोग हरै सब पीरा। जपत निरंतर हनुमत बीरा॥
Nāsai roga harai saba pīrā | Japata nirantara Hanumata bīrā ||
Devotees believe that constant remembrance of heroic Hanuman takes away illness and all suffering.
-
संकट तें हनुमान छुड़ावै। मन क्रम बचन ध्यान जो लावै॥
Sankata tē Hanumāna chhurāvai | Mana krama bachana dhyāna jo lāvai ||
Hanuman frees from trouble those who fix their thought, deed, and word on him.
-
सब पर राम तपस्वी राजा। तिन के काज सकल तुम साजा॥
Saba para Rāma tapasvī rājā | Tina ke kāja sakala tuma sājā ||
Rama, the ascetic king, is supreme over all — and it was you who accomplished all his tasks.
-
और मनोरथ जो कोई लावै। सोइ अमित जीवन फल पावै॥
Aura manoratha jo koī lāvai | Soi amita jīvana phala pāvai ||
Whoever comes to you with any heartfelt wish receives the boundless fruit of life.
-
चारों जुग परताप तुम्हारा। है परसिद्ध जगत उजियारा॥
Chārō juga paratāpa tumhārā | Hai parasiddha jagata ujiyārā ||
Your glory spans all four ages, and your fame lights up the whole world.
-
साधु संत के तुम रखवारे। असुर निकंदन राम दुलारे॥
Sādhu santa ke tuma rakhavāre | Asura nikandana Rāma dulāre ||
You are the protector of saints and holy people, destroyer of demons, and beloved of Rama.
-
अष्ट सिद्धि नौ निधि के दाता। अस बर दीन जानकी माता॥
Ashta siddhi nau nidhi ke dātā | Asa bara dīna Jānakī mātā ||
Mother Sita blessed you with the boon of being able to bestow the eight spiritual powers and the nine treasures.
-
राम रसायन तुम्हरे पासा। सदा रहो रघुपति के दासा॥
Rāma rasāyana tumhare pāsā | Sadā raho Raghupati ke dāsā ||
You hold the elixir of Rama's name; may you remain forever the servant of the Lord of the Raghus.
-
तुम्हरे भजन राम को पावै। जनम जनम के दुख बिसरावै॥
Tumhare bhajana Rāma ko pāvai | Janama janama ke dukha bisarāvai ||
Through devotion to you one reaches Rama and forgets the sorrows of many lifetimes.
-
अंत काल रघुबर पुर जाई। जहाँ जन्म हरि-भक्त कहाई॥
Anta kāla Raghubara pura jāī | Jahā janma Hari-bhakta kahāī ||
At life's end such a devotee goes to Rama's abode, and if born again, is known as a devotee of Hari.
-
और देवता चित्त न धरई। हनुमत सेइ सर्ब सुख करई॥
Aura devatā chitta na dharaī | Hanumata sei sarba sukha karaī ||
Even without fixing the mind on other deities, one who serves Hanuman alone attains every happiness.
-
संकट कटै मिटै सब पीरा। जो सुमिरै हनुमत बलबीरा॥
Sankata katai mitai saba pīrā | Jo sumirai Hanumata balabīrā ||
For one who remembers mighty, heroic Hanuman, troubles are cut away and all pain fades.
-
जै जै जै हनुमान गोसाईं। कृपा करहु गुरुदेव की नाईं॥
Jai jai jai Hanumāna gosāī | Kripā karahu gurudeva kī nāī ||
Victory, victory, victory to you, Lord Hanuman! Bestow your grace on me as a Guru would.
-
जो सत बार पाठ कर कोई। छूटहि बंदि महा सुख होई॥
Jo sata bāra pātha kara koī | Chhūtahi bandi mahā sukha hoī ||
Tradition holds that whoever recites this a hundred times is freed from bondage and finds great joy.
-
जो यह पढ़ै हनुमान चालीसा। होय सिद्धि साखी गौरीसा॥
Jo yaha padhai Hanumāna Chālīsā | Hoya siddhi sākhī Gaurīsā ||
Whoever reads this Hanuman Chalisa attains fulfilment — Shiva, the Lord of Gauri, is witness to this.
-
तुलसीदास सदा हरि चेरा। कीजै नाथ हृदय महँ डेरा॥
Tulasīdāsa sadā Hari cherā | Kījai nātha hridaya maha derā ||
Tulsidas is forever the Lord's servant; O Master, make your home in my heart.
-
पवन तनय संकट हरन, मंगल मूरति रूप। राम लखन सीता सहित, हृदय बसहु सुर भूप॥
Pavana tanaya sankata harana, mangala mūrati rūpa | Rāma Lakhana Sītā sahita, hridaya basahu sura bhūpa ||
O Son of the Wind, remover of troubles, embodiment of auspiciousness — king among the gods, dwell in my heart together with Rama, Lakshmana, and Sita.